خروجات القاهرة

جامع السلطان حسن: العبقرية مش فى المكان بس

من أكثر أماكن القاهرة فى المهابة والتناسق والجمال والروعة والهدوء وراحة البال، تعالوا النهارده نبقى فى حضرة السلطان حسن والجامع الخاص به، السلطان الناصر حسن بن السلطان الملك الناصر حفيد السلطان قلاوون كان ملك حازم قوى بـ يحب الناس وبـ يعطف على الفقراء، ومتدين، قرر أنه يبنى مسجد يخلد اسمه فى التاريخ، فكان مسجد السلطان حسن. بدأ فى بناء الجامع سنة 757 هـ الموافق 1356م واستمر العمل فيه من غير توقف 3 سنين، تخيلوا بقى من غير توقف، وكان السلطان بـ يدفع في كل يوم 20 ألف درهم وألف وزنة ذهب، وكان من الطبيعى أن كل ده يرهق ميزانية الدولة، والسلطان حسن اعترف بده فقال: "لولا أن يقال: إن ملك مصر عجز عن إتمام بناءٍ بناه، لتركت بناء هذا الجامع".   شارك فى عملية البناء من المعماريِّين والصنَّاع الكثير، لدرجة أن مافيش عامل أو صانع أو مهندس في القاهرة له علاقة بالبناء إلا واشتغل فيه، ومات السلطان حسن قبل أن ما يخلص الجامع، فقام الأمير بشير أغا الجمدار بإتمام البناء. شوفتوا بقى الموضوع كبير إزاى؟ ده عن فكرة البناء أما الجامع من الداخل فموضوع ثانى خالص، الجامع تحفة فنية بجد، هو عبارة عن صحن كبير فيه أربعة أماكن غير الجامع ودول عبارة عن أربع مدارس فقهية مختلفة كان الطلبة بـ يتعلموا فيها أمور الدين واللغة، وبـ تظهر براعة صناعة الرخام فى القبة والقبلة والمحرابين وهى حاجات كلها مصنوعة من الرخام وعليها زخارف معمولة بعناية، وتقدر تتعرف على الصانع المصرى الأصيل لما تشوف دقة النجارة العربية والتطعيمات المجسمة في الآيات المنحوتة على جدران القبة.   أما باب المسجد النحاسي فهو مثال رائع لأجمل الأبواب المكسوة بالنحاس وهو معمول على هيئة أشكال هندسية، ما بينها محفور زخارف دقيقة متداخلة فيها المربع مع المثلث مع الدوائر وكأن هناك عالم هندسة اشتغل مصمم أبواب فى العصر ده. ومن كثر روائع الفن اللى موجودة فى المسجد مش هـ تعرف تفرق بين الأكواب النحاسية اللى بـ تنور وجنبها التشكيلات الزجاجية اللى بـ تكتشف أنها معمولة للإضاءة برضه، هـ تفضل عينك تروح يمين وشمال وفوق وتحت لا ترى إلا بديع الفنان المصرى الأصيل، لدرجة أن دار الآثار العربية بالقاهرة احتفظت عندها بتحف نادرة كثير وكلها كانت فى الجامع. مساحة الجامع تقريبًا 8 آلاف متر مربع فى مكان مرتفع جنب قلعة الجبل (يووووووه معلش شكلنا دخلنا فى العصر قوى وعيشنا فيه) قصدى قلعة صلاح الدين، وكأن السلطان حسن كان مُصر أن الجامع يكون في أعلى مكان في القاهرة وبالضبط جنب قلعة صلاح الدين الأيوبي، الرجل ده كان عاوز يوصل رسالة بـ تقول أن مصر فيها الحراسة والقوة اللى بـ تمثلهم القلعة وكمان فيها العلم والتدين اللى بـ يمثلهم الجامع.   ويضم الجامع أربع مدارس، كل مدرسة لتدريس مذهب من مذاهب الفقه الأربعة، وهي: الحنفي، والمالكي، والشافعي، والحنبلي، وداخل كل مدرسة هـ تلاقى مجموعة كبيرة من الغرف علشان سكن الطلاب والمدرسين المغتربين، شوفتوا بقى التخطيط عامل إزاى. وما قصدش التقسيم والعمارة وبس، لأ تعالوا نقول لكم فى خطفة كده التعليم كان إزاى ساعتها وركزوا معانا، كان لكل مذهب شيخ و100 طالب و3 معيدين، وراتب لكل شيخ 300 درهم في الشهر، ولكل معيد 100 درهم، ولطلبة كل مذهب 4250 درهم فى الشهر، تخيلوا كان بـ يصرف قد إيه على التعليم؟، لأ مش كده وبس ده كمان كان بـ يصرف لكل طالب وجبة يومية وهدوم تكفيه طوال السنة وكان عامل نظام الرعاية الصحية للطلاب والمدرسين، وفيه طبيب مقيم معاهم علشان لو دارس أو شيخ تعب يعنى ما يلاقيش حد يعالجه ولا إيه، قد إيه الناس دى كانت عبقرية، العبقرية مش فى المكان بس صدقونا العبقرية كمان فى اللى بـ يصنع المكان. الجامع فى السيدة عائشة بجوار قلعة صلاح الدين الأيوبى.

قرية تونس: بتوفر لك أجمل ويك إند ممكن تقضيه في الفيوم

كل فترة بنحب نروح مكان جديد نهدى فيه أعصابنا ونستريح علشان نشحن ونقدر نرجع شغلنا ثاني، علشان نقدر على الإبداع.. قرية تونس فى الفيوم مش بس بتوفر لك ده، لأ دي تعتبر من أكثر الأماكن اللي بتلهم المبدعين والفنانين في جميع مجالات الفن برغم بساطتها إلا أنها آيه في الجمال. القرية بسيطة جدًا البيوت الأساسية للسكان المحليين مبنية بالطوب وفي الطريق لها من عند البحيرة فيلات وأماكن خاصة مبدعة وفارهة لأعلام كثيرة في المجتمع منهم الفنانين والسياسيين، وفيه في القرية ثلاثة فنادق: "سوبيك" و"زاد المسافر" و"كوم الدكة". تعتبر قرية تونس من أكثر الأماكن الجميلة اللي مش واخدة حقها زي ذهب أو نويبع، صحيح ما عندهمش بحر بس عندهم بحيرة قارون الساحرة واللي طلع اسمها مش على اسم الفرعون قارون زي ما كنا فاكرين، طلع أنه علشان البحيرة فيها ألسنة كثيرة كانوا بيسموها زمان قرن محمد أو قرن أحمد على حسب مالك الأرض في الحتة دي، وبعدين بقى اسمها قرون وبالزمن بقى قارون، زي ما حكى لنا أحد أبناء قرية تونس، كمان شلالات وادي الريان اللي في قلب الصحراء، وأنشطة مختلفة وممتعة هـ نكلمك عنها بالتفصيل. مبدأيًا كده، قرية تونس مكان تتأمل فيه براحتك وتفصل فيه عن العالم الخارجي، وتراقب الطيور على بحيرة قارون، وبالنسبة للفنانين قرية تونس تعتبر حاضنة لكل أنواع الفنون وبالأخص فن الخزف، وده لوجود ART Center الخاص بالفنان محمد عبلة واللي بـ يتعمل كل سنة في الشتاء،  وبـ يبقى فيه دورات تعليمية لفنون الخزف والتصميم والتصوير والكتابة، وبـ ييجي له فنانين من كل أنحاء العالم علشان يتعلموا ويعلموا، وبـ يكون على الفنانين أنهم يباتوا في خيم أو فندق من الفنادق دي. نبدأ بفندق زاد المسافر اللي في أول طريقك للقرية، واللي له مدخل خاص به على الطريق، ومدخل داخلي من جوه القرية بس بـ تدخله وأنت ماشي على رجلك مش بالعربية، أول ما بـ توصل بـ تلاقي أمامك حقل مليان ورود برتقالي جميلة والنوع ده ما بـ يتزرعش في مصر عادة بس سبحان اللي خلاه يتكيف في أرضنا. الفندق ديكوراته كلها على الطراز البدوي، اسم على مسمى فعلًا، المكان كبير وفيه مكان خاص بإشعال النار لو حابين تعيشوا جو البدو بكل تفاصيله، وحوله مجموعة خيم جواها قاعدة عربي أو بدوية بقى، وأمام الخيم دي قاعة مقفولة كبيرة احتارنا كثير هي إيه لحد ما تفاجأنا أنها مكتبة.. تخيلوا؟ وكل يوم جمعة زاد المسافر عامل Book Club بـ يناقشوا فيه كتاب مختلف. الغرف على شكل بيوت بيضاوية لونها بني، بدائية الصنع، ما أنت في تجربة روح المسافر بقى، والشبابيك بتاعتها عليها قماش ألوان قوس القزح، بس أجمل حاجة صوت العصافير اللي بـ تصحى عليه، والهدوء النفسي اللي في المكان، ده غير أن الأشجار هناك مبهجة مع المدخل اللي مليان طوب صغير وترابيزات لو حابب تقعد، غير الفرن البلدي اللي بـ تخبز فيه العيش ست فلاحة أمام عينيك وريحته تهبل من جماله، وكان فيه حمام سباحة بس مش مجهز للشتاء، في الصيف وعليكم خير بقى، كمان الأكل هناك مميز جدًا، بالذات الفطير بالعسل والجبنة لازم تجربوه. أما  بالنسبة للأسعار فده بـ يختلف من حيث الوقت والغرفة اللي هـ تحتاجها وتقدروا تعرفوا التفاصيل دي كلها من على صفحتهم على الفيسبوك. أما المكان الثاني واللي أسعاره مشابهة لأسعار زاد المسافر بس بـ يتميز أنه أكله أحلى وبيتي أكثر بكثير هو سوبيك – Sobek  برضه البيوت واخدة الطراز البسيط اللي أشبه بالنوبي، وبرضه عندهم قعدة نوبي، صحيح فيه حمام سباحة مجهز ومكان مرتفع تشوف منه الحقول الخضراء، بس المكان صغير نسبيًا مقارنة بزاد المسافر، غير أن المكان مليان كلاب، فالناس اللي مش بـ تحب الكلاب الكثيرة أكيد ده مش مكانهم لأنهم كلاب أصحاب المكان. الغرف مجهزة بكل وسائل الراحة اللي تحتاجوها ولو أن ساعات بـ تبقى فيه أساسيات ناقصة في الحمام، لا يمكن الاستغناء عنها. والأسعار برضه بـ تختلف على حسب وقتكم وعددكم .. أما الفندق الثالث كوم الدكة فده يعتبر حكاية ثانية خالص لوحده، لأنه على البحيرة على طول وأسعاره غالية جدًا للأسف. وبرضه المكان البيوت فيه بسيطة وحولها مساحات خضراء وورود وكمان كل الأنشطة اللي ممكن تعملوها في الفيوم مجانية بفلوسكم بقى، وتقدروا تشوفوا صور المكان الجميلة جدًا، وكل المعلومات اللي تحتاجوها من صفحتهم على الفيسبوك. أما عن الأنشطة اللي ممكن تعملوها هناك فهي حاجات كثيرة قوي: أولًا: أكثر حاجة متميزة فيها قرية تونس تعليم فنون الخزف والرسم عليه بكل أنواعه لدرجة أن ما بين كل بيت تلاقي ورشة لتعليم وبيع الخزف ودي حاجة مبهجة في حد ذاتها، أنك ممكن تتعلم الفن ده باحترافية هناك. ثانيًا بقى: مراقبة الطيور، فيه هناك شخص بـ ياخدك تتفرج على كل أنواع الطيور اللي تعرفها واللي ما تعرفهاش، في الوقت اللي يناسبك الصبح عند وادي الريان والمجموعة ما بـ تزيدش عن سبعة أشخاص، وبـ يوفر لكم كل الأدوات اللي تحتاجوها والمعلومات عن الطيور بـ 500 جنيه بس. أجمل حاجة في قرية تونس أنها على بُعد نصف ساعة من وادي الريان يعنى حوالي 30 كيلو، ودي ميزة جميلة جدًا، لأنك لو رحت وادي الريان هـ تستمتع بالشلالات هناك، والتزحلق على الرمال وكمان Parasailing (نط بالبراشوت من على هضبة)، كمان أنت قريب جدًا من وادي الحيتان المتخصص في التزحلق على الرملة بس، وقصر هارون ومتحف الفيوم.   بس الحقيقة أن الفيوم مكان ملهم لأى فنان بسبب جمال الطبيعة،  أو حد عاوز يريح أعصابه من دوشة القاهرة وتعبها في الويك إند، بس خلي بالك أن في الشتاء الجو حار الصبح وبرد بالليل، لكن في الصيف بـ يبقى حر جدًا الصبح وبليل. لازم تجربوا يومين في قرية تونس الممتعة مع أحبابكم وأصحابكم، وتعيشوا بروح المسافر اللي بـ يعشق يشوف الجمال ولو ليومين بس.

9 حاجات تعملها في القاهرة ببلاش!

مفيش أحلى من الخروج والفسح، غير الخروج والفسح من غير ما تدفع مليم! لو عاوز تقضي وقت حلو بس مفلس ولا في آخر الشهر٬ ما تتضايقش لأن القاهرة فيها فرص خروجات ممتعة جدًا ومن غير ما تدفع حاجة . اختارنالك 9 من الخروجات اللي بنحكيلك عنها٬ وأكيد في غيرها كتير . 1. حفلات موسيقية وعروض : منجم دهب لمحبي المسرح والموسيقى٬ القاهرة فيها أماكن كتير بتقدم حفلات وعروض أغلبها مجاني تقدروا تعرفوها كلها من أجندتنا على .تابعونا 2. معارض فنية : فيه أماكن كتير ممكن تتمتع فيها بمعارض فنية في القاهر. زي «درب 1718 » اللي عندهم معارض دورية والدخول مجاني. هتلاقوا كل التفاصيل .تابعونا3. جاليريهات الزمالك : الزمالك مشهورة بعدد كبير من المعارض الفنية. حوالين شارع البرازيل لوحده في عدد كافي من الجاليريهات ممكن تقضي يوم بحاله تتفرج عليها. ابدأ من شارع البرازيل من عند تقاطعه مع 26 يوليو، هناك هتلاقي جاليري «سفر خان»، ولو مشيت في الشارع في اتجاه «سيكويا – Sequoia » هـ تعدي على «زمالك آرت جاليري – Zamalek Art Gallery » امشي عشر دقايق كده واستمتع بمعمار المنطقة الجميل، المعارض دي متخصصة في الفن المعاصر المصري.   4. محاضرات وأفلام : من الكنوز الحقيقية في القاهرة، المحاضرات وعروض الأفلام اللي بـ تكون متاحة لكل الناس ببلاش وتقريباً كل يوم في القاهرة . دايماً هـ تلاقي حاجة بـ تتعرض في واحد من المراكز الثقافية المستقلة دي: المركز الثقافي الفرنسي (وده ليه فرعين، واحد في المنيرة، والتاني في أرض الجولف)، المركز الثقافي الإيطالي، ودرب 1718. 5. متاحف : مش كل الناس بتنبسط بالفرجة على معروضات في متحف … لكن اللي بيحب الحاجات دي في القاهرة شخص محظوظ، لتلات أسباب، الأول ان في متاحف كتير غنية جدًا في القاهرة، والسبب التاني ان احياناً كتير بيكونوا قريبين من بعض في نفس المنطقة، والسبب التالت ان رسم دخول المتاحف رخيص جدًا وغالبًا ما بيكون 2 جنيه بس . ومن المتاحف اللي ممكن تكون مازورتهاش وبـ نرشحهالك: » متحف جاير أندرسون « ، متحف النسيج المصري والإتنين في القاهرة الفاطمية، ومتحف الخزف الإسلامي   في الزمالك. 6. سياحة دينية : عاصمة شعب، من أكثر الشعوب تدينًا في العالم، فيها من دور العبادة الأثرية والمحورية في الأديان السمواية كتير، وزيارتهم بتكون مثرية وممتعة. من أول الكنيسة المعلقة لمسجد ابن طولون، لمعبد بن عزرا . تفاصيل وتاريخ دور العبادة دي هيسحرك ويزودك بمعلومات قيمة ماكنتش تعرفها. 7. التمشية في وسط البلد : مش هتكلفك حاجة وهتستمتع جدًا. 8. أسواق القاهرة العريقة : كل مصري يعرفله سوق ولا اتنين بس كتير من المش محتكين بالجانب التراثي والتاريخي من المدينة ما يعرفوش أسواق زي سوق السجاد في القاهرة الفاطمية . وحتى لو شارع محمد علي وصناع الآلات الموسيقية اللي فيه معروفين لكل قاهري، إلا ان اللي راحوا هناك مش كتير، ولأي سايح أو مصري ماشافهوش ده بيكون متعة كبيرة . ده غير سور الأزبكية، وسوق خان الخليلي. 9. التمشية على كورنيش النيل: جرب تعمل كدة وهتحس بسعادة كبيرة.    

راس شيطان: إسترخاء على الطريقة البدوية

على أرض سيناء وبالتحديد في الشمال الشرقي، على بُعد ساعة سواقة من «نويبع». مجموعة من الخيم منصوبة على شط البحر الأحمر وكلها على الطراز البدوي البسيط، وعشان الإسم يخوِّف شوية بلاش تقول لأهلك إنك رايح «راس شيطان»، ممكن تقول إنك رايح «بساطة» اللي هو إسم المنطقة كلها. وبالرغم من الإسم المرعب، إلا ان «راس شيطان» تعتبر من أجمل الأماكن في مصر وفي منتهى الأمان، صحيح المشوار من القاهرة لهناك طويل، حوالي 6 ساعات بالعربية بس يستاهل وكفاية إنك هتنسى هناك زحمة العاصمة وجنانها. هتهرب لمكان بطبيعة بِكر وبدائي نسبيا وأسعاره رخيصة! إزاي تروح لو عندك عربية متينة هتكون أحسن من إنك تبقى تحت رحمة سواق أتوبيس، هلكان من السواقة ليل ونهار. ولو مسافر مع مجموعة كبيرة، ممكن تأجروا ميني باص وغالبًا ده بيكلف حوالي 1000 جنيه للمشوار رايح جاي، مبلغ معقول لأنه هيتقسم على مجموعة كبيرة من الأفراد، ممكن كمان تركب أوتوبيس شركة «شرق الدلتا» من موقف «ألماظة» بيروح «نويبع»، بس تكون عارف بالظبط هـ تنزل فين على الطريق وتخلي شنطتك معاك لأن «راس شيطان» مالهاش محطة رسمية ولازم تقول للسواق عشان يُقفلك على جنب مكان ما انت عايز. إتأكد أن معاك إثبات شخصية بطاقة أو جواز سفر وﭭيزا سارية المفعول لو كنت مش مصري عشان نقط التفتيش كتير على الطريق جوة سيناء وممكن يعطلوك لحد ما يتأكدوا من سلامة أوراقك، ممكن توصل إنهم يرَجّْعوك مكان ما جيت! ممكن تركب طيارة لمطار شرم الشيخ وتنزل تركب أوتوبيس لمدة 3 ساعات بس كده إحنا مش موفّرين وقت قوي فـ مش مستاهلة تكاليف. تقعد فين الفكرة كلها في موضوع الخيم المنصوبة على الرمل، يا إما كوخ على تل أو كشك على البحر على طول، الإختيارين مريحين والأماكن كلها نضيفة، الأكشاك اللي على البحر أرضيتها رمل ناعم بس الأكواخ فيها خصوصية أكتر وأماكن للنوم عالية عن الأرض وليها شبابيك خاصة بيها. الحمامات مشتركة بس نضيفة وفيها مية جارية. ورق الحمام هناك برة الفاتورة لو حابب تاخد معاك من هنا وإنت رايح. الكهرباء هناك بمولدات وده معناه أن النور هيتقطع على نص الليل فخد معاك شمع وكشافات وبطاريات كفاية، وتبقى فكرة كويسة لو خدت مبيد حشري وملايات ومخدات صغيرة أو " Sleeping Bag " أو أي حاجة ما تقدرش تعيش من غيرها. بنرشحلك مخيم «عياش كامب» عشان المكان مميز والعاملين فيه متعاونيين ، ده غير أن في صخرة ضخمة على البحر مثالية إنك تقعد عليها وتِعد النجوم، لو حابب. في خيارات تانية للأماكن زي «كاسل بيتش كامب – Castle Beach Camp » أو «بيترا كامب- Petra Camp » ودول مشهورين بالأكل اللي بيقدموه. تاكل إيه الأكل من أمتع الحاجات في الرحلة، الفطار بيكون وليمة من البيض والعيش البدوى والفول أو البطاطس والمربى والزبدة وسلطة الفواكه مع شاي أو قهوة، وطول اليوم ممكن تطلب حاجات، بطاطس محمرة، بيتزا وسندوتشات وعصاير وصودا. بالليل المنيو بيكون بدوي برضُه وفي رز وخضار ولحمة أو سمك وفي نظام دفع شبه متفق عليه هناك هو أنه بيجمع الفاتورة وتدفع مرة واحدة وأنت ماشي من المكان، فياريت تكون عارف وحاسب انت خدت أيه طول فترة إقامتك. أنشطة أحلى نشاط تعمله هو الإسترخااااء، الخيم والكراسي اللي على البحر إتعملت عشان كده. خد معاك كتب ومجلات وكوتشينة وطاولة أو أي آلة موسيقية، وخد شيشتك معاك لو عايز تشيش على البحر. لو بـ تزهق من القعدة ممكن تتمشى أو تتسلق التلال الصخرية اللي برة المُخيم، وممكن تاخد مركب وتعمل رحلة بحرية وتستكشف المكان، معظم الناس بيناموا بدري وبـ يصحوا بدري عشان يستفيدوا بأطول وقت ممكن في النهار. تروح إمتى المُخيمات هناك بتفتح عادةً من أول فترة الربيع لحد آخر الخريف والجو بيكون رائع في الفترة دي، لو حابب الشط والمية أكتر من أي حاجة تانية روح في شهر يونيو أو يوليو، بس خليك فاكر أن مفيش تكييف وشهور الصيف عمومًا حر جدًا هناك. زيارة الخريف أحسن كتير بس ياسلام لو مافيش ناموس تبقي مالهاش مثيل. الناس هناك من ثقافات وجنسيات مختلفة. لِمْ مجموعة ظريفة من أصحابك وروحوا قضوا أجازة في الشمس هناك، ممكن «راس شيطان» تخطف قلبك وتبقى مكانك المفضل للأجازات بعد كده.  

غاوي سفر؟ شوف 10 قواعد مهمة للتعامل مع الطريق

هواة السفر الداخلي والتجوال والترحال.. اجمع هنا، عندنا كلام يخصكم أوي. طريق السفر طويل، ولو التعب ما أخدش نصيبه منك، الملل هيزعلك.. طيب والعمل؟ بص يا سيدي، دي القواعد العشر اللي تقدر تعتبرهم دليلك للراحة واستغلال الوقت وقتل الملل وتحصيل المتعة: 1- الكتاب اللي هتقراه في السفر هتستمتع بيه لدرجة أكتر بكتير جدًا من أي وقت تاني واسأل مجرب، خد معاك كتب.. ضروري. 2- اعمل حساب أن السفر لو بالليل أنوار الباص بتبقى مطفية طول الطريق، وبالتالي ففكرة القراءة مش هتكون مناسبة إلا لو جبت معاك كشاف قراءة صغير من أي مكتبة بتبيع إكسسوارات كتب زي "ديوان" أو "ألف" علشان تعرف تقرأ بالليل. 3- خلي الكتب اللي تجيبها معاك تكون خفيفة نسبيًا، روايات أو كتب موضوعية، بلاش الكتب اللي هتحتاج تركيز ذهني كبير أو مذاكرة وكده لأنك غالبًا مش هتعرف تديها حقها وهتتشتت كتير. 4- خد معاك على الموبايل كام فيلم كده لزوم الأزأزة وقت الليل اللي مش هتعرف تقرأ فيه، ويفضل الأفلام تبقى خفيفة برضه.. الأفلام العربي الكلاسيكية الكوميدية أو المسرحيات بتكون اقتراح جيد، هتنبسط يعني وهتذاكر مخزون إيفيهات تروش بيه على زمايلك في الرحلة للصبح! 5- المزيكا يا معلم، التراك ليست المتينة، وتاخدلك كرسي جنب الشباك وهاتك يا سرحان في الملكوت! 6- يفضل أنك تخلي التراك ليست كلها مزيكا هادية أو أغاني طرب، حاجات كده من بتاعت المزاج والروقان، علشان تعيش تجربة الهدوء بالكامل من جوة ومن برة وتتهيأ نفسيًا كويس علشان تندمج وتذوب في جمال الطبيعة وتتخلص تمامًا من تأثير دوشة القاهرة عليك. 7- طرق السفر في أماكن كتيرة بتبقى الشبكات فيها ضعيفة أو مش موجودة فماتعتمدش أوي على فكرة الموبايل إنترنت، بس حتى لو يعني الشبكة موجودة وسهل تفتح موبايل داتا وتستخدم إنترنت، البطارية مش هتسعفك علشان مدة السفر غالبًا بتبقى طويلة، فأنت تعمل حسابك في حاجتين: الباور بانك لو متاح، وتتأكد من أن التراك ليست بتاعت المزيكا معاك أوفلاين وماتعتمدش على ساوند كلاود علشان توفر بطارية، وتوفر في الـ Package كمان. 8- حمامات الاستراحات اللي هتقف فيها في طرق السفر في الغالب مش بتكون على المستوى المطلوب، وبالتالي فخلي أكلك وشربك في طريق السفر خفيف جدًا وعلى أد الحاجة العاجلة يعني علشان ماتحتاجش تدخل الحمام كتير، اشرب المياه على فترات وجرعات صغيرة، وخلي الأكل كله تسالي ورفيعات. 9- فين فقرة النوم؟ .. كلنا مستنيينها دي أكيد، بس خلينا نقول أن نوم الباصات متعب، غير أنه فرصة لاصحابك علشان يقفشوا عليك ملفات وصور أد كده،  فأنت بقى تخليك واعي، وإن كنت لابد هتنام يعني فماتنساش مخدة الرقبة علشان رقبتك ماتتلوحش وتتكدر طول الرحلة، وماتنساش عصابة العين علشان الضوء مايضايقكش، وأي فوطة خفيفة تغطي بيها وشك علشان تستر نفسك وتفوت على أصحابك فرصة الغدر. وبالنسبة للبس، خلي لبسك خفيف وعملي، بلاش جينز، بناطيل الترينينج أو السويت بانتس أفضل كتير، بلاش تلبس كوتشي أو جزمة في طريق السفر، الكروكس اختراع جميل.. بلاش قميص، التيشرتات والسويت شيرتات أحسن. 10- الحقيقة إحنا خلصنا وماكانش في داعي لرقم عشرة، بس القواعد لازم تقفل على رقم غلاف كده ياخد العين، معروفة!

بالصور: المتحف الجيولوجي المصري.. مكان مميز في القاهرة

في جولاتنا دايمًا في شوارع وأحياء القاهرة، بنكتشف حاجات وأماكن جميلة جدًا. للأسف مابيكونش متسلط عليها الضوء. ومش واخدة حقها كويس إن الناس تعرفها وتستمتع بها. ومن ضمن الأماكن دي، المتحف الجيولوجي المصري في المعادي.   طبعًا انت ممكن تكون بتقرأ الكلام ده وانت مستغرب، وأول مرة تعرف إن عندنا متحف زي ده أصلًا. ماتستغربش، انت مش لوحدك، انتوا كتير. وعلشان كده قولنا نجيب لكم كام معلومة عن المتحف. مبدأيًا كده، المتحف موجود على كورنيش المعادي، عند نهاية حدود المعادي الشمالية، قريب من مدخل مصر القديمة. تم إنشاء المتحف عام 1901، وتم افتتاحه رسميًا للجمهور عام 1904. وهو يعتبر المتحف الأول من نوعه في الشرق الأوسط والعالم العربي. نيجي بقى لتصميم المتحف. نلاقيه عبارة عن 3 صالات عرض: الأولى: فيها الحفريات اللافقارية ومنها القواقع. واللي بتوضح بداية الحياة على الأرض. والثانية: فيها الحفريات الفقارية. أما الصالة الثالثة: فيها مجموعات صخرية، ومعادن من القشرة الأرضية، زى أحجار المرمر والجرانيت. وكمان في صخور من القمر.   ومن أهم معروضات المتحف، الهيكل العظمي لديناصور الواحات البحرية العملاق. وده يعد ثاني أضخم ديناصور تم اكتشافه في العالم. على فكرة، تذكرة دخول المتحف: 2 جنيه بس. أيوة زي ما قريتها كده، 2 جنيه بس. ماتنسوش بقى تزوروه، وتاخدوا جولة مثيرة ماتتكررش.

مدينة الموتى: صور مبهرة من أغرب مكان في القاهرة

بعيدًا عن آثار أجدادنا الفراعنة المعروفة، مصر مليانة بالمعالم الأثرية المخفية. معالم لها مدلول مهم على تاريخ البلد، زيها زي أي هرم أو متحف. حتى القاهرة، العاصمة الصاخبة اللي فيها حوالي 21 مليون نسمة، لها أسرارها ومعالمها الغامضة. زي “مدينة الموتى”. الموجودة تحت تلال المقطم، في جنوب شرق المدينة. المنطقة في الأساس عبارة عن مقبرة. لكن اتطورت على مر العصور، لحد ما بقت منطقة مأهولة بالسكان. وعلى درجة من درجات الاكتفاء الذاتي. بالرغم من إنها منطقة فقيرة – لا جدال على كده – إلا إنها تفضل علامة مهمة لتاريخ القاهرة الساحر. لو حسبنا المسافة من شمال المدينة لجنوبها، هنلاقيها حوالي 6.4 كم. بيرجع تاريخ مدينة الموتى، لأيام الغزو الإسلامي على مصر سنة 642 م. لما عمرو بن العاص أنشأ مقبرة للعائلة عند سفح المقطم. يقال إن أغلب سكان المدينة راحوا يعيشوا هناك، علشان يبقوا قريبين من قرايبهم اللى توُفوا. وكمان في اعتقاد إن السكان الأوائل كانوا هم الحراس، اللي بيقوموا بأعمال المقابر والدفن. وكمان الأنشطة الصوفية. في عهد سلطنة المماليك، كانت بتتعمل فيها العروض العسكرية، والمواكب والاحتفالات. بوجود عدد كبير من المدارس الصوفية في المنطقة، اتحولت لحاجة زي مزار أو مكان للحج. ناس كتير بتروح هناك علشان ياخدوا البركة. مدينة الموتى بتضم عدد من الأضرحة المهمة، زي ضريح السيدة نفيسة – السيدة خديجة – السيدة زينب وغيرهم كتير. بعد زلزال القاهرة عام 1992، كتير من الأهالي أُجبِروا إنهم يسيبوا بيوتهم، ويسكنوا في مقابر قرايبهم. عدد السكان في مدينة الموتى حاليًا، بيقدر بحوالي 500.000 نسمة. المدينة بتعتبر حاجة زي موقع سياحي مهم من زمان. والرحالة الشهير ابن بطوطة، المعروف بإنه واحد من أفضل الرحالة في التاريخ، زار المدينة وكتب عنها. أثناء مولد زينب بنت علي – المعروف بمولد الليلة الكبيرة – أهل المدينة زينوها بأشكال وألوان كتيرة من الخيام الجميلة. المكان برضه معروف باسم الجبانة أو القرافة. واللي يقال إنه اتسمى كده على اسم قبيلة يمنية اسمها “قرافة”، عاشت فيه. مدينة الموتى واحدة من الأماكن غير التقليدية اللي مش معروفة في مصر. ومافيش ناس كتير بتزورها. بس المنطقة في الأصل مش مزار سياحي، هي حي مأهول (موجود فيه مركز طبي ومكتب بريد). وعلشان كده سكانه بيبان عليهم بعض الاستغراب من الناس اللي بتيجي المكان. لكن في العموم بيرحبوا بأي حد يزورهم، وبيقدموا له المساعدة.

بالتفاصيل: كل اللي محتاج تعرفه عن أهم أماكن تعليم الطبخ في القاهرة

  من وإحنا صغيرين -خاصة البنات- كان دخول المطبخ مع ماما علشان نلعب بالدقيق أو نساعدها في تزيين البيتي فور أو نشكل حاجات بأيدينا من أمتع اللحظات اللي اتحفرت في ذاكرتنا، لكن لما بنكبر بعضنا بيقل اهتمامه بالطبخ والمطبخ في حين أنه بيكون شغف عند ناس تانية، لدرجة أنهم بيبقوا عاوزين يتعلموا الوصفات بشكل صح أو احترافي “زي ما قال الكتاب”، وللسبب ده فيه أماكن كتيرة جدًا في القاهرة وفرت كورسات لتعليم الطبخ للكبار والصغيرين، وبتختلف من وصفات أطباق رئيسية لحد الحلويات والمخبوزات، علشان كده حبينا نجمع لكم بعض الأماكن الممتازة في المجال ده:  مركز تدريب فنون الطهى الفكرة بدأت في أكتوبر 2011، وده أكبر مركز فيه دراسة شاملة لفنون الطهي ولأساسيات ومبادئ أقسام المطبخ (الحلو والحادق، السخن والبارد، وقسم الحلواني والمخبوزات الشرقية والغربية) والمركز معتمد دوليًا من المؤسسة الإنجليزية سيتي أند جلد. الدراسة في المركز لها نظامين: دوام كلي، ودوام جزئي، وقيمة الدورات على حسب السن متقسمة فئات: الفئة الأولى من 18: 30 سنة بـ 4000 جنيه، الفئة التانية من 30: 35 سنة بـ 5000 جنيه، والفئة التالتة من 35 سنة فيما فوق بـ 15 ألف جنيه، المصروفات بتشمل قيمة الزي الرسمي وقيمة الانتقالات. Culinary Center أو مركز تدريب فنون الطهي في المنطقة الصناعية الرابعة، أكاديمية أخبار اليوم فى مدينة 6 أكتوبر. Lulu’s Kitchen مؤسسته هي عاليا العسقلاني، عاليا كانت شغالة في مجال العلاقات العامة والعقارات والتسويق وسابت كل ده وسافرت لندن في 2014 ودرست الطبخ بشكل احترافي. الكورسات في Lulu’s Kitchen مش بس قايمة على مكونات الطبخ، لكن كمان بتعلم تكنيك وتفاصيل، الكورسات بتتعمل في مطبخ عاليا علشان المتدربين يحسوا بالراحة وهما شغالين، ده غير أنها بتقعد معاهم بعد ما يخلصوا الوصفات ياكلوها ويقضوا وقت ممتع، ممكن تتصل بـ 01020010005 علشان تعرف الكورس الجاي إمتى أو زور صفحة الفيسبوك. الكورس اللي شغال دلوقت عن البيتزا والعيش الإيطالى لمدة 3 ساعات بـ 500 جنيه ومكانه المرة دي مش في بيت عاليا، هيتعمل في مركز “منى بيتى” اللي هنقول لكم تفاصيله في الفقرة الجاية. منى بيتي – Monappetit مؤسستها هي منى البنا، منى بيتي كان بدايته فيديوهات لوصفات على اليوتيوب وبعدين تطور بقى كورسات تعليم طبخ، ده غير أنهم اشتغلوا مع ماركات مشهورة زي ريتش بيك، وأكتيفيا وغيرهم. ستات البيوت، أو الهواة، أو حتى الشيفات المحترفة، كل واحد له كورسات مناسبة له في منى بيتي، وكمان مجالها واسع جدًا ومتنوعة من أول وصفات المطبخ العالمي أو المتخصص (إيطالي، لبناني، صيني، إلخ)، والحلويات، لحد المخبوزات اللي بيقدمها أحسن شيفات في المجال منهم شيفات قناة cbc سفرة شيف وسام مسعود وأميرة شنب، حتى منى البنا بتقدم كورسات بنفسها، ده غير أنهم بيوفروا كورسات للـ Food Styling والـ Food Photography وكمان مطبخهم متاح لاستضافة إيفنتات أو جلسات تصوير أو كورسات تانية. لو عاوز تستفسر عن مواعيد الكورسات وأسعارها اتصل بـ 01020010005، منى بيتي موجود في مدينة 6 أكتوبر قريب من الحي المتميز. The House of Cooking – بيت الطهى شغالين من 2009 وموجودين في مدينة نصر، ومن ساعتها وهما من أحسن أماكن تعليم الطبخ، هما مدرسة تعليم طبخ وبيعملوا كاترينج كمان، هتتعلم معاهم أكلات من بلاد مختلفة، والحلويات، وإزاى تعمل باستا من الصفر، والأكلات المصرية ده غير أن فيه كورسات للأطفال، ممكن تعرفوا نوع الكورسات اللي بيقدموها وأسعارها من الموقع الإلكترونى بتاعهم. Ruffles House أول مرة رحنا لهم كانت في رمضان وجربنا من عندهم حلويات فى برطمانات في منتهى الجمال وكتبنا عنها مقال نقدي، هما متخصصين في الكب كيك والكيك والـ Jars، وبيعملوا كاترينج لأعياد الميلاد والأفراح، لهم محلين في الشيخ زايد: الأول في بيفرلي هيلز وده اللي فيه كمان مركز التدريب، والتاني في كيرف مول – Curve Mall. رافلز هاوس هما المكان الوحيد في مصر اللى بيقدموا كورسات في تزيين الكب كيك والكيك معتمدة من شركة أمريكية اسمها ويلتون – Wilton ومؤسسته مدام دينا سعدة. شهادة ويلتون عبارة عن 3 مستويات وكلها عن التزيين بس (مافيش Baking) وكل مستوى 4 أيام، وكل كورس هما بيوفروا لك أدوات التزيين والشهادة إلى جانب كتاب ويلتون اللي فيه كل تفاصيل الكورس باستفاضة، والكورس ده بداية من سن 13 سنة، لازم تحجزوا من بدري علشان الحد الأقصى لعدد الأفراد 8 علشان المشتركين يستفيدوا بشكل أفضل. عندهم كمان كورسات عادية (مش معتمدة من ويلتون) للـ Baking أو الخَبز وعمل الـ Frosting، وفيه كمان Cake Pops وكوكيز، وWedding Cakes وطريقة عمل الـ Macarons وبرطمانات الحلويات، وفيه كمان كورسات مخبوزات حادقة وعيش، والشهر الجاي هيعملوا كورسات مناقيش سوري، وحلويات سورية بيعلم فيها شيف سوري.  لو عاوز تعرف معلومات عن الأسعار والمواعيد اتصل بمركز التدريب 01019142440.   Ganache chocolate موجودين في دجلة المعادي، جاناش Ganache ماركة الشوكولاتة الفرنسية بيقدموا كورسات لكل الأعمار في صناعة الشوكولاتة يوميًا، أحلى حاجة في كورساتهم أنك أنت اللى بتحدد الميعاد المناسب لك وطبعًا لهم، وممكن كمان تاخد الكورس لوحدك مش لازم مجموعة أو عدد معين، سعر الكورس 125 أو 150 على حسب كمية الشوكولاتة المستخدمة. جاناش شغالين كل أيام الأسبوع من الساعة 11 لحد الساعة 9 مساءً، ممكن تتصل بـ 01116100010. Eatery المطعم الجامد جدًا في كايرو فيستيفال سيتى، إلى جانب أطباقه المميزة، بيقدم كورسات طبخ للكبار والصغيرين، وفيه كورسات بتتعمل علشان مناسبات معينة زي عيد الأم، وشم النسيم، فى شهر أبريل الحالي مافيش كورسات، بس ممكن تتابعهم على الفيسبوك في شهر مايو علشان تعرف الكورسات اللي هينزلوا تفاصيلها على الصفحة، أو ممكن تتصل بالمطعم 01225522300.

فجنون: جنون + فنون على ترعة المريوطية

لما بـ ييجي الويك إند أو مناسبة زي شم النسيم كلنا بـ نكون عايزين نهرب من زحمة ودوشة القاهرة٬ وفي الوقت اللي أغلب الناس فيه بـ تهرب للشواطئ القريبة٬ ممكن يكون فيه مهرب تاني في الجنة الريفية اللي بعد كوبري المنيب على طول. احنا مش بـ نقترح فسحة على الترعة٬ احنا بـ نقترح رحلة لـ«فجنون»٬ مركز الفنون والأنشطة المجنون على شط ترعة المريوطية.   اسمه خليط بين “فنون” و”جنون”٬ والفنون والجنون الاثنين واضحين في كل شبر من المكان٬ من أول الجراچ بتاعه اللي مصممه خياله واسع جدًا لحد أسماء العاملين في المكان اللي كلها إبداع٬ إلى الألعاب اللي مصنوعة يدويًا في الحوش٬ لحد الموزاييك بألوانه البراقة والمزينة كل جزء في المكان.   أسسه الفنان «محمد علام» وعمله تجسيد لرؤيته عن مجتمع مثالي لحرية الرأي واحترام البيئة والآخر هو الطبيعي فيه. علام كان عاوز يتيح للأطفال فرصة أنهم ينموا مواهبهم ويطلقوا العنان لإبداعهم في بيئة فنية غير مقيدة٬ علشان يعبروا عن نفسهم بحرية تامة.   «فجنون» توسع عن كده كمان ودلوقتي بـ يقدم مجموعة من الأنشطة الفنية والإبداعية لكل الأعمار. الأنشطة المتوفرة عبارة عن أكثر من مشروع فني بخامات مختلفة زي الفخار والخشب٬ ده بالإضافة إلى صناعة المجوهرات واللحام ونشاطات تانية زي البستنة (وهي زراعة نباتات زينة مثل الورود والزهور والشجيرات والنباتات المتسلقة بهدف التجميل أكثر منها نباتات لها فائدة غذائية) والخبيز الريفي. وفيه شِبَاك ومراجيح معمولة يدوي للعب٬ ودي متعة فائقة للكبار والصغار. والعائلات هـ تستمتع جدًا بالمشي بين الأراضي الزراعية واللي فيها شوية حيوانات ريفية منتشرة في كل المكان٬ وممكن كمان تركب حصان أو حمار لو عاوز.   الأطفال الكبار هـ يستمتعوا جدًا ببركة الطين٬ ودي فيها المجموعات بـ تعمل ماتشات مصارعة جبارة، وبالرغم من أنك لازم تبقى مستعد أنك ترمي كل الهدوم اللي بـ تنزل بيها بركة الطين٬ إلا أن الموضوع يستاهل جدًا. معارك بالونات المياة هـ تكون متعة ما تتوصفش للشلل اللى بتحب الدوشة وبـ تحب تلعب اللعب دى. في اللعبة بالونات مية مصبوغة بالأزرق٬ الأخضر٬ الأحمر والأصفر٬ بـ تُنقل لساحة المعركة اللي عبارة عن أرض مزروعة حشيش٬ والمعركة بـ تبدأ.   والعاملين في «فجنون» بـ يساعدوا أنهم يزودوا المتعة بتاعة المعركة٬ فبـ يرموا على اللي بـ يلعبوا بيض٬ أو بـ يفاجئوهم ببراميل مية٬ لأ وبـ يصوروا الكوميديا الصاخبة دي كمان.   بـ ننصحك أنك تجيب معاك هدوم احتياطي وفوطة لو ناوي تشترك في الأنشطة الفوضوية الـ”مطينة” دي. ولحسن الحظ فجنون فيه دش نظيف.. ريفي بس نظيف.   الدخول وبركة الطين ومعركة بالونات المياة (مرة واحدة) بـ50 جنيه للشخص. ولو عاوز تلعب تاني بـ تدفع 20 جنيه زيادة للشخص. ركوب الحصان أو الحمار بـ20 جنيه للفة. لما تزهق من دوشة القاهرة٬ روح على ترعة المريوطية واستمتع بيوم جميل في الشمس والخضرة وجدد حيويتك.

زيارة الى مجمع الاديان

تعرف  علي مجمع الاديان وطرق زيارته واسعار التذاكر | خروجات القاهرة | دليل المقطم عندما تزور هذا المكان تشعر وكأنك داخل حوار الزمن والأديان وسماحة الاديان وتقبل الاخر ، فهنا تجد الكنائس تحتضن المساجد ، فتتداخل اصوات أجراس الكنائس مع صوت الأذان ، فى تناغم داعيا الى الوحدة الوطنية والتراحم ، معلنة أن الدين لله والوطن للجميع …. منطقة مجمع الأديان بمنطقة الفسطاط بمصر القديمة ، ذلك المكان الذى يجمع الأديان السماوية الثلاثة الأسلام والمسيحية واليهودية ، و يضم مجمع الأديان جامع عمرو بن العاص أول مسجد بنى في مصر وإفريقيا ورابع مسجد بني في الإسلام بعد مساجد المدينة المنورة والبصرة والكوفة، بجواره توجد ايضاً مجموعة من الكنائس والأديرة التي شرفت بتواجد السيد المسيح عيسى بن مريم عليه السلام وكذلك السيدة العذراء خلال رحلتهما في مصر، وبجانب هذا وذاك يوجد المعبد اليهودي، الذي شاهد عبادة موسى عليه السلام لله الواحد الأحد .   اولا مسجد عمرو بن العاص مسجد عمرو بن العاص والذي بنى عام 21 هـ ، وهو أكبر وأقدم المساجد بأفريقيا ، وقد شارك عدد من الصحابة في تصميمه أهمهم أبي ذر الغفاري ، وبالعودة إلى بداية الفتح الإسلامي لمصر .. نجد أن مسجد عمرو بن العاص يختلف كليا على ما هو عليه الآن فكان سقفه من الجريد والطين وكان على أعمدة من جزوع النخل وارتفاعه منخفضاً. أما الحوائط فمن الطوب اللبن وغير مطلية ولم يكن له صحن وأرضه فكانت مفروشة بالقش، وبه بئر يُعرف بالبستان للوضوء. ولم يكن به مآذن ولا أية نوع من أنواع الزخارف سواء في الداخل أو الخارج، وكان محراب الصلاة مسطحاً ومرسوماً على الحائط دون تجويف ثم أدخلت التجديدات والتوسعات على الجامع بعد ذلك في مختلف العصور. ثانياً حصن بابليون يتميز موقع مجمع الاديان بأنه يتوسط مصر بين الوجه البحري والوجه القبلي وبالتالي تم بناء حصن بابليون به للحماية العسكرية الرومانية ليكون خط الدفاع الأول لبوابة مصر الشرقية، ومن خلاله يسيطر الرومان على أي ثورات تقوم ضد حكمهم في شمال مصر أو جنوبها . ويطلق على حصن بابليون اسم قلعة بابليون أو اسم قصر الشمع ، ويرجع إطلاق هذا المسمى عليه لانه كان أول كل شهر توقد الشموع على أحد أبراج الحصن ، ويقع بداخل الحصن عدد من المعالم الأثرية القبطية منها المتحف القبطي وستة كنائس قبطية ودير، وهي: كنيسة العذراء والمعـروفة بالمعلقـــة – أبو ســرجه – القديســــة بربارة – مارجـــرجس – قصرية الريحــان – دير مار جرجس للراهبات – مار جرجس للروم الأرثوذكس بجانب المعبد اليهودي .  1 – الكنيسة المُعلقة وهى أحد أهم آثار مجمع الأديان وتُعرف باسم الكنيسة المعلقة لأنها شيدت فوق حصن بابليون الروماني على ارتفاع 13 متراً فوق سطح الأرض وبذلك تصبح أعلى مباني المنطقة . وتعد الكنيسة المعلقة ، التي يرجع تاريخ إنشائها للقرن الخامس الميلادي ، تعد من أقدم كنائس مصر وكانت في الأصل معبداً فرعونياً. وفي العام 80 ميلادية أنشأ الإمبراطور الروماني ” تراجان ” حصن بابليون الروماني على أجزاء من المعبد لاستخدامه في العبادة الوثنية، وعندما انتشرت المسيحية ودخل الرومان في الدين الجديد تحول المعبد الوثني إلى أقدم كنيسة رومانية في مصر، التي تقام بها الشعائر الدينية حتى يومنا هذا بانتظام . ومن اهم مميزات الكنيسة المعلقة أنها تحتوي على 120 أيقونة موزعة على جدرانها وتحتوى بداخلها على كنيسة أخرى يصعد إليها من سلم خشبي وهى كنيسة ” مار مرقص ” . 2 – كنيسة أبو سرجة إحدى الرسومات الموجودة بالكنيسة المعلقة لقد شرف هذا المكان بتواجد نبي الله عيسى عليه السلام ووالدته السيده مريم العذراء به خلال رحلة الهروب من بطش الملك ” هيردوس ” ملك اليهود ، وذلك بالمغارة المقدسة داخل الكنيسة، ولذا يقصدها الزائرين من جميع الطوائف المسيحية في العالم .  يذكر أن تاريخ إنشاء الكنيسة يتزامن مع تاريخ إنشاء الكنيسة المعلقة واسمها الأصلى ” سرجيوس وأخيس ” وهما جنديان مشهوران استشهدا بسوريا فى عهد الإمبراطور ” مكسيمنانوس ” . 3 – كنيسة القديسة بربارة تعد كنيسة القديسة بربارة من أجمل الكنائس القبطية . تم إنشاءها في أواخر القرن الرابع عشر وسميت باسم السيدة بربارة التى ولدت فى أوائل القرن الثالث بانيكوميدا إحدى بلاد الشرق من أسرة غنية وثنية. واعتنقت المسيحية على يد العلامة ” أوريجانس ”  المصرى ورفضت الزواج لتكريس حياتها لخدمة الديانة التي اعتنقتها واستشهدت في عهد الإمبراطور الروماني ” ماكسيميانوس ” بعد أن انتهرت أباها على عبادته الأوثان فغضب عليها وقتلها. 4 – دير الرهبات البنات يتردد الكثير من المسيحيين على هذا المكان تبركا بالشهيد صاحب الدير لاسيما المصابون بأمراض عصبية وعقلية، ويتميز الدير بتصميمه الرائع، ويتصدر مدخله تمثال محفور على الحجر لـ ” مارجرجس ” وهو يقتل التنين بحربته . ويتكون هذا دير الراهبات البنات من قاعة مستطيلة بواسطة حجاب من خشب الخرط إلى مربعين، ويؤدى إلى أولهما مدخل فى الطرف الجنوبى يغلق علية مصراعان خشبيان عاديان يفضى إلى رحبة صغيرة مربعة تتصدرها صورة فسيفسائية للشهيد مارجرجس ممتطيا صهوة جواد وفى يدة اليمنى مما يطعن بة التنين. بينما يوجد إلى الشرق باب أخر يؤدى إلى قاعة أستقبال بسيطة ليس فيها سوى ست نوافذ أعلا جداريهما الشمالى والجنوبى يتقدم ضلعها الشمالى حجاب من خشب الخرط يتوسطة مدخل يفضى إلى المزار الدينى، وتتوسط ضلعها الجنوبى حنية صغيرة أعدت للشموع التى يضيئها الزوار. 5 – كنيسة قصرية الريحان أنشئت كنيسة قصرية الريحان في بداية القرن الرابع الهجري وتُعرف أيضا باسم كنيسة السيدة العذراء. وفى زمن الملك الحاكم بأمر الله سعى الروم فى امتلاك الكنيسة المعلقة بمساعدة أم الملك وكانت روميه، ولما عارض فى ذلك القبط أمر الحاكم باعطائهم كنيسة قصرية الريحان بدلاً عنها. وبعد وفاته استردها القبط مرة أخرى. 6 – كنيسة ماري جرجس كانت كنيسة ماري جرجس من أحمل كنائس الحصن الرومانى ، شيدها الكاتب الثرى ” أثناسيوس ” في عام 684 ميلادية ولكنها لسوء الحظ التهمتها النيران منذ ثمانين سنة ولم يبق منها سوى قاعة استقبال بخارجها تعرف “بقاعة العرسان” يرجع تاريخها الى القرن الرابع عشر . كما يذكر أن المنطقة تحتوى على مجموعة أخرى من الكنائس بالقرب من مسجد عمرو بن العاص داخل مدينة الفسطاط وهى: – كنيسة أبو السيفين – الأنبا شنودة – المشيرية – بابليون الدرج – أبا كبير ويوحنا – الأمير تادرس المشرقى – رئيس المــلائــكة ميخائــيل – دير أبى سيفين للراهبات – مارمينا بزهراء مصر القديمة. ثالثاً المتحف القبطي يوجد هذا المتحف داخل حصن بابليون واسس عام 1910 على يد مرقس سميكة باشا، وذلك لأهمية وجود مكان يتسع لضم مجموعات آثرية من العصر المسيحى التي تم تخزينها فى إحدى القاعات القريبة من الكنيسة المعلقة ولتسهيل دراسة تاريخ المسيحية في مصر . تبلغ مساحة المتحف القبطي الكلية، الذي يرصد تاريخ المسيحية في مصر، حوالي 8000 م كما يبلغ عدد مقتنياته حوالي 16000 قطعة اثرية رتبت تبعا لنوعياتها إلى اثني عشر قسما، عرضت عرضا علميا روعي فيه الترتيب الزمني، وأهم هذه المعروضات ” كتاب مزامير داود ”  الذي خصصت له قاعة منفصلة . رابعاً المعبد اليهودى ويكمل مجمع الأديان آثار الديانات السماوية الثلاثة بوجود المعبد اليهودى، الذي كان في الأصل معبدا ثم تحول إلى كنيسة حتى عهد أحمد بن طولون وعاد مرة أخرى كمعبد بعد أن اشترته الطائفة اليهودية وزعيمها فى ذلك الوقت ” إبراهيم بن عزرا ” ، ولهذا يطلق على المعبد أيضاً ” معبد بن عزرا ” . ويستمد المكان أهميته من وجود ” صندوق سيدنا موسى ”  به ويشرف أيضا بأنه المكان الذي شهد وقوف وصلاة سيدنا موسى بعدما كلفه الله بالرسالة ويدلل على ذلك الكتابات المحفورة على تركيبة رخامية فى منتصف المعبد، ولذا يعتبر المعبد مزاراً هاماً بالنسبة لعدد كبير من السائحين وخصوصاً السائحين اليهود .   باختصار عنوان مجمع الاديان : منطقة الفسطاط  –  اقرب محطة مترو ” محطة مارى جرجس ” اتجاه حلوان …  المحطة فى قلب المجمع   محتويات مجمع الاديان : جامع عمرو بن العاص – الكنيسة المعلقة – كنيسة ومغارة مارى جرجس – كنيسة العذراء مريم والمغارة المقدسة والبئر المقدس – كنيسة ابو سرجة ومغارة السيدة العزراء والسيد المسيح – دير الراهبات البنات – كنيسة القديسة بربارة – حصن بابليون – معبد بن عذرا اليهودى . مواعيد زيارة مجمع الاديان : يوميا من الساعة 9 ص حتى الساعة 4 م ماعدا جامع عمرو فهو مفتوح طوال اليوم للصلوات الخمس اسعار تذاكر الدخول لمجمع الاديان : لا يوجد …جميع المزارات الدينية بالمجمع مجانية للمصريين والعرب والاجانب وبدون اى رسوم ماعدا المتحف القبطى فقط ب 2 جنيه للمصريين

دليلك لسينمات القاهرة

مجمع سينمات سيتى ستارز، (داخل سيتي ستارز مول) فى مدينة نصر  موجود فيه 21 قاعة عرض مقسمة على جزءين:  الأولى فى الدور الأول وهى :   سينما جولدن ستارز VIP - تليفون: 0224802581 – 01221203322 فيها 8 قاعات عرض بـ تبدأ عروضها الصباحية من 10:30 بسعر 25 جنيه للتذكرة العادية و35 جنيه للتذكرة 3D بـ ترتفع إلى 40 جنيه للتذكرة العادية فى حفلات الظهيرة التى تبدأ الساعة 4:15 ظهرًا وتمتد إلى منتصف الليل أو50 جنيه للعرض الـ 3D.   أما باقى الـ 13 قاعة عرض فموجودة فى : سينما ستارز فى الدور الخامس، تليفون: 0224802014 - 0224802015 وهو صاحب الإقبال الأكبر لانخفاض أسعار التذاكر عن الـ VIP، يعرض حفلاته بداية من 10:30 صباحًا بسعر 20 جنيه للتذكرة العادية و25 جنيه للـ 3D ترتفع إلى 35 و40 جنيه لحفلات الظهيرة  التى تمتد من 3:30 حتى منتصف الليل، القاعات فى مجمع سيتى ستارز مقسمة لنوعين طبقًا للحجم: بعض القاعات صغيرة من حيث عدد المقاعد ونوعها وحجم الشاشة، والبعض الثانى كبير ومريح أكثر، لكن فى الحالتين جودة الصوت ممتازة. مجمع سينمات سيتى ستارز، واحد من أفضل المجمعات السينمائية فى العاصمة لأنه داخل واحد من أشهر مولات القاهرة "سيتى ستارز"أى فسحة مكملة للسينما . وتلاقي محلات الملابس ومتجر "سبينيس" للمواد الغذائية ومعظم الماركات العالمية فى عالم التكنولوجيا والملابس بالإضافة لأماكن المطاعم وتناول الوجبات الخفيفة بأنواعها، وطبعًا ملاهى الأطفال "بيلي بييز" وغيرها، بالاضافة لوجود جراج ضخم لركن السيارات. بشكل عام تجربتنا فى مجمع سينمات سيتى ستارز هى الأفضل من بين كل السينمات. موظفى الخدمة هم الأكثر ودًا من بين باقى كل الموظفين فى تجربتنا السينمائية، . الكافتيريا الملحقة بالسينما رائعة رغم ارتفاع أسعارها لكن الخدمة فيها ممتازة. مستوى نظافة السينما من الداخل ودورات المياه ممتاز.  ****** مجمع سينمات مول أمريكانا بلازا فى الشيخ زايد، - تليفون : 01020020033  أفخم وأكبر مجمع سينمات فى القاهرة والمول فيه مجموعة من المطاعم اللى ممكن تكون فسحة إضافية. المجمع فيه 13 قاعة عرض، واحدة فقط بنظام IMAX وقاعتين بنظام Cinecomfort الذي يتميز بكبر وراحة الكراسى وممكن ترجع للخلف أو الأمام حسب الرغبة ، ويسمح للمشاهدين فيها بأخذ أكل أو مشروبات ، وباقى القاعات عادية. أسعار التذاكر للحفلات الصباحية (9:30 و12:30) 20 جنيه مصرى، ثم ترتفع إلى 35 جنيه فى الحفلات المسائية بداية من 3:30 عصرًا حتى 12:30 مساءً للحفلات العادية،  حفلات الـ 3D بـ تكون 25 جنيه مصرى للحفلات الصباحية و40 جنيه لحفلات بعد الظهر غير شاملة سعر النظارة (10 جنيه)،  أما حفلات الـ IMAX يكون سعر التذكرة فيها 40 جنيه فى الحفلات الصباحية و60 جنيه لحفلات بعد الظهر، والسعر أيضًا لا يشمل إيجار النظارة (10 جنيه) وممكن تحصل عليها فى الكافيتريا الملحقة بالسينما، بالإضافة أنه ممنوع اصطحاب الأطفال أقل من 4 سنوات،  تقدر تحجز تذاكر سينما IMAX من خلال الإنترنت وتدفع بالفيزا أو ماستر كارد بدون رسوم إضافية. Cinecomfort مستوى الصوت والصورة وجودة المقاعد فيه هى الأفضل فى أمريكانا بلازا، خاصة حجم الشاشات والصوت الأكثر من رائع،  أما قاعة IMAX المقاعد مستواها عادى، لكن الصوت والصورة ممتازين . ******* سينمات جلاكسى مول العرب فى 6 أكتوبر، التليفون: 0238260136 مجمع لا يفرق كثير عن أمريكانا بلازا يتكون من 10 قاعات تعرض الأفلام العادية و 3D. مواعيد الحفلات الصباحية 10:30 و1:30 وسعرها 20 جنيه للحفلات العادية أو 3D على حد سواء، ثم ترتفع إلى 40 جنيه فى حفلات بعد الظهر التى تبدأ من 3:30 ظهرًا حتى منتصف الليل مرورًا بحفلة 6:30 و9:30 مساءً والأسعار لا تشمل سعر نظارة الـ3D. الصوت والصورة جودتهم ممتازة، لكن المقاعد جودتها عادية . الجميل فى مجمع سينمات مول العرب أن ممكن تستفيد بكل الأماكن الترفيهية ومناطق الطعام الموجودة فى المول قبل أو بعد السينما، بالتالى الفسحة فى مول العرب تأخذ شكل مكتمل ، وممكن الأطفال يدخلوا أى عرض 3D Animation بينما الكبار يأخذوا جولتهم فى المول براحتهم بدون إزعاج. ****** مجمع سينمات نايل سيتى بـأبراج نايل سيتى عند كورنيش النيل فى بولاق، تليفون: 0224619103 - 01223921111 مجمع رائع مكون من 8 قاعات عرض تعرض عدد كبير من الأفلام العربية والأجنبية بالنظام العادى أو 3D  بداية من 10:45 صباحًا و12:45 ظهرًا بسعر 25 و35 جنيه للـ 3D ترتفع إلى 35 و45 جنيه للـ 3D فى الحفلات المسائية التي تبدأ من 3:45 حتى منتصف الليل، والأسعار لا تشمل نظارات الـ 3D وتباع بـ 15 جنيه،  موظفى الحجزيمتازوا بالألفة، إلا أن جودة المأكولات والمشروبات خصوصًا الفيشار. ودورات المياه دون المستوى المطلوب من مكان راقي مثل مول أبراج نايل سيتى، ****** مجمع سينمات هيلتون رمسيس بالملحق التجاري لمبنى هيلتون رمسيس الدور السابع , كورنيش النيل التليفونات: 0225747435 |0225747436 مكون من 5 قاعات عرض للأفلام العادية و3D  حفلات صباحية تبدأ من 10:30 صباحًا حتى منتصف الليل وبأسعار 15 و30 جنيه للحفلات الصباحية والمسائية على الترتيب.  حجم الشاشات صغيرة مقارنة بباقى السينمات، والمقاعد صغيرة وبعضها غير مريح. طريقة تعامل الموظفين سيئة جدًا ،عدم اهتمام بالمشاهدين، يشترط حد أدنى من التذاكر لتشغيل الفيلم .  ****** سينما جلاكسى المنيل , شارع عبد العزيز أبو السعود , منيل الروضة - تليفون: 0225325745 مكونة من 6 قاعات تعرض أفلام عربية وأجنبية وإن كان للأجنبية نصيب أكبر فيها.  الحفلات تبدأ من 10:30 صباحًا حتى منتصف الليل وبأسعار 20 جنيه للحفلات الصباحية ترتفع إلى 40 جنيه لحفلات بعد الظهر التى تبدأ من الساعة 3:30 ظهرًا غير شاملة سعر النظارة (10 جنيه) بالنسبة لأفلام الـ 3D أما الأفلام العادية سعرها 15 جنيه للحفلات الصباحية و30 جنيه لحفلات بعد الظهر. مستوى الصوت والصورة جيد ، والمقاعد مريحة ومن السينمات اللى نلاحظ عليها إقبال كبير .  ******  مجمع سينمات جنينة مول فى مدينة نصر . تليفونات: 01065530858 |0222630745 مكون من 6 قاعات عرض تعرض أفلام عادية و3D بداية من 10:30 صباحًا بسعر 20 جنيه للتذكرة العادية و25 جنيه للـ 3D . ترتفع إلى 35 و40 جنيه لحفلات الظهيرة التي تمتد من 3:30 حتى منتصف الليل. جودة الصوت والصورة متوسطة، لكن المقاعد مريحة . مغلقة حاليًا للتصليحات و سيضيفوا فيها تقنية الـ3D. ****** مجمع سينمات السراج مول فى شارع مكرم عبيد, مدينة نصر. تليفونات :0222760070 0222760080 مواعيد العرض تبدأ من 10:30 صباحًا وتنتهى بعد منتصف الليل بواقع حفلة كل 3 ساعات وبأسعار 15 جنيه للحفلات الصباحية و25 جنيه لحفلات الظهيرة والمساء،  المجمع لا يعرض إلا الأفلام العربية ولا يتم تغييرها بشكل دورى, غير منتظمة فى مواعيد عرض أفلامها وحجم الشاشات ومستوى الصوت والمقاعد غير مُرضى ,خدمة العملاء هناك الأسوأ من نوعها . ****** مجمع سينمات بندر شارع فلسطين فى المعادى - تليفونات: 01065530851 مجمع سينمات صغير نوعا ما, مكون من 3 قاعات فقط بـ تعرض أفلام عربية وأجنبية عادية و3D. أسعار السينما غالية شوية مقارنة بمثيلاتها، سعرالحفلات الصباحية التي تبدأ من 10 صباحًا 30 جنيه للعروض العادية و40 لعروض 3D غير شاملة سعر النظارة (155 جنيه)، و ترتفع إلى 35 و45 جنيه لحفلات الظهيرة من 4 عصرًا حتى منتصف الليل، حفلات منتصف الليل تشتغل الخميس والجمعة فقط و تبدأ 1 مساءً. ****** سينما فاميلي لاند, كورنيش النيل أبراج عثمان بالمعادي ( بجوار مستشفى المعادي) - تليفون: 0225248600 - 0225248400 - 0225248200 - توجد بها 8 شاشات عرض.- سعر التذكرة: 20 جنيها للحفلات الصباحية، و35 جنيها للحفلات المسائية. أسعار الحفلات غير شاملة نظارة أفلام 3D . الصوت والصورة جيد، ومستوى المقاعد متوسط. ****** سينما الرحاب مول 1 مدينة الرحاب - تليفون: 0226076414 يوجد بها 2 شاشة عرض. سعر التذكرة: 20 جنيها للحفلات الصباحية، و25 جنيها للحفلات المسائية. لو كنت ساكن الرحاب و تحب تتفرج علي فيلم في السينما و مكسل تتطلع بره الرحاب , سينما الرحاب سيكون اختيار جيد . اغلب الأفلام المعروضة افلام عربي و نادرا ما تنزل فيلم اجنبي جيد .  المرة اليتيمة التي دخلتها كان فيها كميه اطفال غريبه , بعضهم كانو واقفين قدام الشاشه قبل الفيلم ما يبتدي لدرجة اننا فكرنا نكون غلطنا في الفلم . و بما أنها داخل المول فممكن تطلع منالسينما تتعشي في اي مطعم او تخرج تقعد علي كافيه بالجلسات الخارجية .  ****** سينما مترو 35 شارع طلعت حرب , فى وسط البلد وهى المنطقة الأكثر من حيث عدد السينمات - التليفونات: 0223937566 |01065530856 فيها 4 قاعات لا تعرض سوى أفلام عربية،  حجم الشاشة وجودة الصوت والصورة أقل من المتوسط رغم أن سعر السينما  مش رخيص مقارنة بباقى أسعار التذاكر،  الحفلات الصباحية تبدأ من 10:30 صباحًا 20 جنيه، أما الحفلات المسائية التى تمتد من 3:30 عصرًا حتى منتصف الليل 25 جنيه .  ******  سينما أوديون 4 شارع عبد الحميد سعيد طلعت حرب , وسط البلد - تليفونات: 0225758797 |0225765642 فيها 4 قاعات عرض، ومواعيد عرضها تبدأ من 10 صباحًا حتى منتصف الليل بأسعار 15 جنيه للحفلات الصباحية و25 جنيه للحفلات المسائية  حجم شاشة وجودة صوت أكبر من سينما مترو بالإضافة لإمكانية عرض أفلام 3D وعرضها أفلام أجنبية وعربية على حد سواء. ******  سينما التحرير 122 شارع التحرير فى الدقي - تليفونات: 0233354726  واحدة من أقدم السينمات فى المنطقة ،مكونة من قاعة واحدة ومقسمة من الداخل لصالة وبلكون . رغم قلة جودة المقاعد والصوت الغير موزع بشكل جيد, إلا أن الشاشة الضخمة تعوض المشاهدين عن الباقى. سعر التذاكر موحد لجميع المواعيد وهو 25 جنيه للصالة و30 جنيه للبلكون، والحفلات تبدأ من 10:30 حتى منتصف الليل، وبحد أدنى 4 مشاهدين لتشغيل الفيلم!.. الأكل والشرب فى السينمامن أسوأ ما يكون، خصوصًا أن السينما تقريبًا بلا موظفين اللهم إلا 3 أو 4 كسلانين جدًا عن خدمة المشاهدين، لكن حسينا فى السينما  –خصوصًا مقاعد البلكون– بالحنين للماضى الجميل والقاعات الضخمة رغم عدم جودة باقى عناصر السينما. ****** بهذا الشكل نكون وصلنا لأخر التقرير كتبته لكم إستناداً لتجارب شخصية .  طبعا القائمة لا تشمل كل دور السينما في القاهرة لكن نقدر نقول اننا غطينا أشهرها . ورغم تعدد وتنوع أماكن الفسح في القاهرة, ستظل السينما  محتفظة بموقع متميز على الخريطة بالنسبة  للسائح . 

جولة فى مدينة الألف مئذنة ( مساجد القاهرة )

نتشرف بصحبتكم اليوم لمن يحب السياحة الدينية ....... فى عاصمتنا القاهرة ..قاهرة المعز . وما تتميز به من مساجد أثرية وشوراع أثرية فى وسط القاهرة  العريقة .... جولة فى مدينة الالف مائذنة .. جولة فى قاهرتنا .. قاهرة المعز   شارع المعز لدين الله الفاطمى     بيت القاضى فى وسط البلد        مسجد الحسين ومنطقته الشهيرة وخان الخليلى وقهوة الفيشاوى وحى الصاغة وهذا الجو الساحر مساءاً             مسجد السيدة زينب رحمة الله عليها       مسجد السيدة نفيسة رحمة الله عليها        مسجد الأزهر الشريف منارة العالم الاسلامى فى قلب اقريقيا والعالم العربى       مسجد الحاكم بأمر الله     مسجد الرفاعى     مسجد السلطان حسن       مسجد محمد على داخل قلعة صلاح الدين الايوبى     تابعونا فى الجزء الثانى ان شاء الله  جولة فى مدينة الألف مئذنة :)  

استمتع فى شارع المعز لدين الله الفاطمى

استمتع فى شارع المعز لدين الله الفاطمى | خروجات القاهرة | دليل المقطم لكل واحد طريق يمشيه، ولكل واحد رحلة يكتشف نفسه فيها، بس إحنا النهارده هـ نأخدك رحلة سحرية في شوارع القاهرة الفاطمية القديمة، رحلة فيها عطر الماضي وعراقته، ومتعة الدخول في عالم فريد الجمال، اللي جواه بـ يكلمك لوحده عن ناس عاشوا وماتوا هنا، اشتغلوا وبنوا بإتقان وفن هنا في شارع “المعز لدين الله”.   يرجع تاريخ شارع المعز لسنة 358 هـ – 969 م، لما دخلت مصر تحت الحكم الفاطمي بقيادة “جوهر الصقلي” وسمي شارع المعز نسبةً للخليفة الفاطمي “المعز لدين الله”.   شارع المعز ده كبير جدًا، بـ يبدأ من باب الفتوح ويكمل لمنطقة النحاسين، وخان الخليلي، وبعدين بـ يقطعه شارعين رايح جاي، شارع جوهر القائد (الموسكي) وشارع الأزهر، عند منطقة الغورية والفحامين، وبـ يكمل تاني عند منطقة الصاغة وبعدين زقاق المدق والسكرية لحد باب زويلة، ويوصل طوله لأكثر من ألف متر.. تخيلوا!   لو أنت جاي بعربية يستحسن تركنها أمام “باب الفتوح” في منطقة الجمالية جنب شارع صلاح سالم. بداية شارع المعز، “باب الفتوح” كان واحد من بوابات القاهرة الفاطمية، وجدده الوزير “بدر الجمالي”، وبـ يتكون من برجين؛ كل واحد فيهم بواجهة مستديرة وفي النص الباب اللي هـ تلاقيه مزين بزخاريف نباتية وهندسية.   أول ما تدخل من الباب، هـ تلاقي مسجد “الحاكم بأمر الله“، واللي تم بناؤه سنة (380-403هـ/990-1013م)، رغم أن المسجد ده بناه الشيعة، وأن “عهد الحاكم بأمر الله” ما كانش أفضل العصور على مصر تمامًا، حتى اتهمه البعض بالجنون من أفعاله العنيفة الدموية، إلا أنك بـ تحس براحة غريبة جدًا جواه، يمكن علشان فيه صحن مفتوح جوه جامع مربع كبير، وفي النصف فيه دائرة بيضاوية علشان الوضوء. أكتر وقت ممكن تستمتع فيه بمسجد الحاكم بأمر الله قبل المغرب لأن الجو بـ يبقى حلو وهـ تلاقي العصافير بـ تطير فوقك، مع رؤية الشمس وهي بـ تغرب، مشهد بـ يخلي روحك تطير، بالذات محبي التصوير هـ يستمتعوا. بعد الجامع بكام خطوة هـ تلاقي “منزل مصطفى جعفر“، اللي بناه الحاج مصطفى جعفر السلحدار سنة 1713م، تاجر كبير من تجار البن في الوقت ده، وملاصق ليه في حارة الدرب الأصفر “بيت السحيمي“، واللي هو عبارة عن قسم جنوبي بناه الشيخ عبد الوهاب الطبلاوي سنة 1648م، وقسم شمالي بناه الحاج إسماعيل شلبي سنة 1796م، وضمهم على بعض ليكون “بيت السحيمي” نسبة للشيخ أمين السحيمي شيخ رواق الأتراك بالأزهر وآخر واحد سكن فيه. بيت السحيمي من أجمل الأماكن اللي ممكن تزورها بالذات لو محتاج مكان جديد تخرج فيه مع صحابك (ممكن تعمل جواه لعبة البحث عن الكنز). يعتبر بيت السحيمي تابع لصندوق التنمية  الثقافية بعد ترميمه سنة 2000م، وبـ يعمل فيه الكثير من الأنشطة الثقافية والفنية. كمل في حارة الدرب الأصفر على طول هـ تلاقي أمامك “مسجد الظاهر بيبرس الجاشنكير“، اللي بُني في العصر المملوكي سنة  709هـ – 1304م. والمسجد ده كان وقف للصوفية زمان، بس أجمل حاجة فيه، السكينة اللي بـ تشعر بها والحمام اللي بـ يبقى على أرض وأعلى سور المسجد (ده علشان سقفه مفتوح)، لأن المهتمين به دائمًا بـ يحطوا لهم حبوب يأكلوها. لو رحت المسجد ده هـ تنسى أي جمال شوفته قبل كده وتتمنى تفضل قاعد جنب العصافير تأَكلهم بس. هـ تخرج من حارة الدرب الأصفر تلاقي “جامع الأقمر” على أيدك الشمال بـ تنزل له سلمتين صغيرين، وبـ يتميز بالكتابة الكوفية المزخرفة على الأعمدة الرخامية واللي بـ تميز العمارة المملوكية، أمر ببناء الجامع ده الخليفة “أبو على المنصور بن المستعلي بالله” سنة 1125م، واللي بنوه مكان دير قديم اسمه “دير العظام”، واللي سمي بالاسم ده نظرًا للون حجارته اللي شبه لون القمر. وأخيرًا “جامع السلطان برقوق” هـ تلاقيه أمام سبيل المياه بعد ما تمشي شوية من جامع الأقمر، واللي بناه السلطان الظاهر أبو سعيد برقوق أول حاكم لمصر من المماليك الجراكسة 1286م– 788 هـ، هـ تستمتع في الجامع ده جدًا بالزخرفة والفنون الهندسية بالذات لو زرته بالليل.   الأكل والشرب أما لو عاوز تعرف تأكل وتشرب إيه هناك، نحب نقولك أن كل حاجة رخيصة جدًا، ده غير أن طعمها حلو ولذيذ وبـ يدخلك في جو القاهرة الفاطمية. تخرج من  جامع الأقمر وتمشي على طول هـ تلاقي محل “الكيلاني” على يمينك، واللي بـ يقدم كل العصائر المعروفة من تمر وخروب ومانجو وسوبيا وبرتقال، وأسعارهم من (1 جنيه لـ 1.50 جنيه) بس. وعنده ساندويتشات كمان بس إحنا بـ ننصحك لو معدتك بـ تتعب من أكل عربيات الشارع بلاش أحسن، فيه بعديه محل فطير حلو ونضيف اسمه “الشيف” بـ يعمل الفطيرة السادة (بـ 1 جنيه) وبالخضروات (بـ 1.50 جنيه). وبعده بحبة حلوين محل تاني عنده فطير وبيتزا اسمه “شيخ العرب” الأسعار فيه من أول (1 جنيه لحد 25 جنيه). كمان هـ تلاقي محل “أسماك” اللي بـ يبيع ساندويتش الجمبري (بـ 7 جنيه) وساندويتش السمك (نفس السعر) وساندويش السبيط (كاليماري) (بـ 10 جنيه). بعد محل “أسماك” هـ تلاقي التجربة اللي بجد مختلفة عند “الضامن” على أيدك اليمين، بـ يعمل كبده ومخ بالسمسم بس خرافة، وكيلو الكبدة والمخ بالسلاطات والعيش وكله (بـ 68 جنيه)، أما لو عاوز كيلو كبده بس (بـ 48 جنيه) وبرضوا بالسلاطات والعيش، وممكن تأخد أقل من كيلو لو عاوز.   المحلات نيجي لو عاوز تشتري حاجة تفكرك بشارع المعز هـ تلاقي نوعين محلات، محلات فعلية وفيه منها من غير اسم، وعربيات في الشارع على جنب بـ تبيع كل ما يخطر على بالك. نبدأ بالمحلات، أكتر محل حبيناه “مكتبة حسام عبد الظاهر” واللي بـ تقدم نوع فريد من رسم اللوح بالخط العربي لكلمات عربية أو بيوت شعر جميلة، وكمان دفاتر كتابة عليها نفس الكلمات وبيوت الشعر، زي حب، سعادة، علم، وحلم. الأسعار بـ تبدأ فيه (من 35 جنيه لـ 105 جنيه) للدفاتر. (ومن 60 جنيه لـ 290 جنيه) للوحات الفنية. كمان “محل أ. عاطف عيد” اللي عنده لوحات نحاس (شغل يدوي) رائعة الجمال لشارع المعز وغيره من المناطق الأثرية، واللي بـ تبدأ أسعاره (من 35 جنيه لـ 175 جنيه). والمحل اللي جنبه “محل أ. هشام دردير” اللي بـ يتميز محله بالنجف المعدن وبرسومه الهندسية الجميلة والأنيقة، وبـ تتراوح أسعاره (من 60 جنيه لـ 550 جنيه). وفيه بازار “السلطان برقوق” اللي عنده أنتيكات من كل العصور بأسعار معقولة، كل قطعة فيه تأخدك لعصر مختلف عن التاني مش بس القاهرة الفاطمية، لأ هـ تلاقي عنده تحف فرنسية ويابانية كمان. كمان بازار “جوهرة المعز” عنده علب صدف بأحجام مختلفة وأذواق عديدة، وبـ يكون سعرها (من 20 جنيه لـ 150 جنيه). نيجي للمحلات اللي من غير اسم، فيه محل جنب بازار السلطان برقوق بـ يبيع كل الحاجات القديمة زي الجرامافون والراديو بتاع زمان وأسعاره معقولة لمحبي التحف. وفيه كمان عربيات لكل الاكسسوارات اللي تتخيلها بالأحجار الكريمة وبأحجار عادية وبأسعار أقل كتير من أي مكان تاني. بعد كده هـ تلاقي أمامك “حي الصاغة” المعروف بمحلات الذهب والفضة اللي فيه، وكمان محلات عطارة كبيرة هـ تلاقي فيها أي حاجة أنت كنت بـ تدور عليها في محلات العطارة العادية ومش لاقيها، وبـ تخرج على شارع الأزهر اللي بـ يقطع شارع المعز لدين الله، وفي الناحية التانية هـ تلاقي الغورية (منطقة معروفة ببيع الأقمشة)، ووكالة الغوري، وجامع المؤيد، وباب زويلة. ولأن شارع المعز كبير جدًا فإحنا مش هـ نقدر نتكلم بالتفصيل عن كل الأماكن الأثرية، ولو عاوزين تعرفوا معلومات أكثر شوفوها هنا.   وبكده تبقى انتهيت رحلتنا في شارع المعز، أحسن وقت تعمل فيه الجولة دي في الصيف، الصبح بدري جدًا أو قبل المغرب بساعة، استمتع بالتصوير، وكرر الزيارة علشان فيه أماكن أكثر هـ تستمتع بها، وتشتاق لها.

جرامافون: بيتك التاني في المعادي | خروجات القاهرة

وأنت ماشي في شارع 200 الهادي في المعادي هتشدك مزيكا جاية من بعيد، هتدخل جوه روحك وتاخدك ناحيتها، حاجة عاملة زي النداهة كده، وأول ما توصل عند مدخل المكان يبدأ شكله يشدك أكتر وهتلاقي نفسك داخل من باب جرامافون – Gramaphone. جرامافون عبارة عن Community center جواه Art Space وكمان Co-working space، يعني 3 حاجات في حاجة واحدة، أصحابه مي وميار اللي بدأوا في رمضان 2016 لكن في الوقت القصير ده قدموا خدمات وأنشطة لأهل المعادي وكل مريدين المكان وبقى معروف خاصة بكورسات الـ Meditation واليوجا وحلقات الدرامز Drum Circle، حتى في يوم الهالويين اللي فات عملوا ليلة حكي كلها كانت قصص رعب في رعب. بعد ما تدخل من الباب هتلاقي بره جنينة فيها كراسي وترابيزات من الخشب قعدتها حلوة جدًا، وعلى الحوائط رسومات لجرامافون كبير ومايك زي الجرافيتي، جوه فيه غرفتين للمذاكرة والقراءة وغرفتين للورش التعليمية وصالة رئيسية مخصصة للحفلات فيها مسرح صغير، ومطبخ صغير بيقدم مشروبات وأكل خفيف بأسعار لطيفة في متناول الجميع، أمير عزت هو مدير المكان، متعاون جدًا لو عندك أى استفسارات بخصوص الإيفنتات أو الأنشطة، وبيساعده مصطفى خالد.   طيب اشمعنى اسم جرامافون؟ آلة الجرامافون كانت أول آلة مبتكرة اتعملت علشان تطلع مزيكا وفن وصوت للناس، فالفكرة أن المكان عاوز يرجع للأصالة بس بطريقة مودرن وبشكل بسيط زيه زي بساطة الآلة دي، الصوت بيخرج من غير كهربا، حتى أن المكان قرر أن الفنانين اللي بيغنوا فى الإيفنتات بيغنوا بصوتهم عادى من غير ميكروفون أو سماعات، فالناس بتسمع صوت نقي خارج من الفنان مباشرة. طب إيه الأنشطة اللي ممكن تعملها هناك؟ ممكن مغنيين أو فرق مسرح يعملوا بروفات أو قعدات ترابيزة شاملة مشروب، لكن لو حد عاوز غرفة خاصة به، لو العدد صغير (3 أشخاص) التكلفة 20 جنيه أول ساعة، وتاني ساعة بـ 10 جنيه، لكن أكتر من 3 أشخاص الساعة بـ 70 جنيه ولهم مشروب واحد في الساعة. لو حد عاوز ييجي يعمل Session ممكن تأجر مساحة أو جرامافون بيساعدوك فى تأجير المكان النص بالنص علشان لو الشخص خايف أنه ممكن الناس ما تجيش، ولو أنت مدمن أفلام وعاوز تلم أصحابك وتعملوا Movie Night ممكن تعمل حجز خاص لكم، فيه هناك شاشة وبروجكتور وهتدلع نفسك وصحابك، ودي تكلفتها 30 جنيه للفيلم/ للشخص، وبرضه لو عندك موهبة الغناء وعاوز تتجمع مع أصحابك بس وتغنوا Karaoke تكلفتها 30 جنيه للساعة. الإيفنتات الجاية: فى أبريل بدأوا يعملوا احتفالات الـ International Day وده بيكون فيه تبادل ثقافي مع دول وثقافات تانية، فيه كمان حاجة لطيفة، عاملين يوم لمعالجة المدمنين، والمقصود بالإدمان هنا مش المخدرات، لأ أي حاجة الشخص مدمن عليها فبيستضيفوا دكتور نفسى يعلم الناس يخرجوا بره ده إزاي، واللي حابب يحكي تجربته مع الإدمان. دايمًا موجود عندهم إيفنتات ثابتة زى الـ Mediation واليوجا وكمان حلقة الدرامز Drum Circle المسؤولة عنه رانيا عمر، وكمان بيقدموا كورسات طبلة وجيتار مع ياسر حشيش، وعود وكمان، ورسم بكل أشكاله، وخط عربي، وطباعة على المنسوجات أو الباتيك. المفاجأة بقى أنهم هيعملوا Open Mic فى أبريل، يعني لو أنت بتغني أو بتعزف أو عندك مهارة الحكي أو Stand-Up Comedy، روح هناك وعبر عن موهبتك، لأن من خطتهم كمان أنهم يبقوا رعاة للمواهب دي في المستقبل ويعملوا تدريب وتأهيل ويعملوا لهم حفلات سواء داخل أو خارج جرامافون. لو أنت فنان عاوز تعمل حفلة أو ورشة أو عاوز تستفسر عامة عن أنشطة المكان ممكن تتواصل معاهم من خلال صفحة الفيسبوك، وتابعوهم لأنهم عاملين مفاجأة قريب هيبدأوا عروض مسرح عرايس ماريونت للأطفال.

معرض زهور الربيع في حديقة الأرومان | خروجات القاهرة

معرض زهور الربيع في حديقة الأرومان | خروجات القاهرة | دليل المقطم مافيش أجمل من أنك تقضي يومك وسط الزهور الجميلة والطبيعة اللي تهدي الأعصاب، ومش هتصدق أنك تقدر تعمل ده بمنتهى السهولة بتذكرة دخول بجنيه واحد بس، آه لسه فيه حاجة بجنيه الحمد لله ومش لبان، حديقة الأورمان في الجيزة قدرت توفر جو من الجمال والرقي والأسعار اللي في متناول الجميع علشان كل فرد يستمتع بالجمال ويشتري زرعة صغيرة يبدأ سعرها من 5 جنيه لـ 1000 جنيه لو هتجهز جنينة خاصة بك. ومافيش أجمل من أنكم تستمتعوا بشم النسيم في مكان زي ده، خاصة إن فيه أماكن لعب خاصة بالأطفال. لو دخلتم من الباب الصغير اللي قدام جامعة القاهرة بتلاقوا أماكن بيع قصاري الزرع والسماد وأدوات الزراعة، غير معارض المنتجات اليدوية ومعرض المنتجات النوبية. هتلاقوا كل أنواع قصاري الزرع من أول القصاري البني العادية لحد القصاري المزخرفة والملونة بألوان مختلفة. والأسعار بتبدأ من 15 جنيه. كمان أدوات الزراعة موجودة كلها والسماد بأنواعه للخضار أو نباتات الزينة وبيبدأ سعرها من 10 جنيه برضه. أما عن المعرض الأسواني فمش هتحتار ما بين أنواع التوابل والكركديه والسوداني وطبعًا أنواع الماسكات المختلفة للبنات والحنة السوداني. المعرض النوبي عاوز يوم كامل لوحده علشان تستمتعوه بيه. وفي أخر الشارع ده في كوبري بيدخلك في وسط الحديقة فبيبقى على يمينك وشمالك محلات بيع الورد وفي وشك البوابة التانية للحديقة وكل مكان بيبع ورد أسعاره بتختلف عن اللي قبله وبتفرق في نوع الورد والاهتمام بيه، يعني زرعة الجهنمية الواحدة ممكن تلاقيها في أماكن سعرها يبدأ من 150 جنيه وفيه أماكن يبدأ فيها من 400 جنيه، ده طبعًا بيفرق من الحجم وسن الزرعة وطول مدة الرعاية بيها، بس مع حبة تدوير ممكن تلاقي زرعة أصغر بـ 35 جنيه بس. يعني بلاش تتسرع ولف كويس قبل ما تاخد قرار الشراء. أما بالنسبة لأسعار الزرع فهي بتبدأ من 3:50 جنيه لـ 5 و10 و15 جنيه للزرعة الواحدة، واللي أشكالها كتير ومتنوعة وفيه أغلى من كده طبعًا على حسب النوع اللي هيعجبكم، بس متوسط أسعار مثلا زرع النعناع والريحان والروزماري  من 5 لـ 10 جنيه، أما الورد البلدي والياسمين والورد الملون الصغير فمن 10 لـ 25 جنيه. كمان لو عاوز مكان تسيب فيه أطفالك يلعبوا بأمان فيه ملاهي صغيرة فيها زحاليق ومراجيح تقدروا تخلوا الأطفال يلعبوا فيها تحت إشرافكم. بس من أكتر الحاجات اللي لفتت إنتباهنا إن فيه مكان مخصوص ببيع الكتب الخاصة بالزراعة والمكان ده تابع لوزارة الزراعة، وأسعاره رخيصة جدُا الكتاب بحوالي 4 جنيه بس. كمان لو حد حابب يدخل بعربيته تذكرة دخول العربية 5 جنيه، وممكن تروح قدام محل الورد وهم يحطوا لك الورد اللي اشتريته. خلصت جولتنا في معرض الزهور لعام 2017 في حديقة الأورمان بس أكيد مش هتكون أخر مرة نزوره خاصة أنه لسه هيخلص في 2 مايو 2017. المصدر : cairo360

مسجد شاهين الخلوتي | معالم المقطم

 جامع شاهين الخلوتي "آثار منسية" | معالم المقطم | دليل المقطم   عندما تراه عند مرورك من طريق الأوتوستراد اثناء اتجاهك من أو إلى المعادي تشعر و كأنه قلعة من قلاع ألف ليلة و ليلة او انه منحوت في الجبل من ايام الفراعنة ..   على سفح جبل المقطم فوق مقابر و حارات الأباجية وكانت هذه المنطقة تسمى قديما وادي المستضعفين، يقع مسجد شاهين الخلوتي أحد أهم الأثار اللإسلامية المهملة بالقاهرة برغم من أهميته المعمارية.     بنى عام(945 هجرية- 1538 ميلادية)، وكانت مصر آنذاك ولاية عثمانية واليها داوود باشا الخصى (945-956)هجرية، بناه جمال الدين شاهين لوالده الشيخ الصالح العارف بالله شاهين الخلوتى، الذي ولد بمدينة "تبريز" ببلاد فارس في القرن التاسع الهجري وقضى هناك طفولته ومعظم شبابه وانتقل بعدها إلى مصر حيث اشتراه السلطان الأشرف قايتباي وجعله واحدًا من مماليكه ثم زهد حياة الجندية و المماليك و انزوى على نفسه في جبل المقطم في خلوة مع الله في نفس مكان المسجد و الضريح .   و المسجد نفسه يعتبر طرازا معماريا فريدا في الاثار الاسلامية حيث انه بني عن طريق نحت الجبل نفسه على طريقة معبد حتشبسوت و مدينة البتراء..     وهو ضمن مجموعة تضم المسجد وضريح وثلاثة قبور أكبرهم لشاهين الخلوتي ثم آخران لجمال الدين شاهين وابنه محمد شاهين، والصعود اليه بمزلقان، باب القبة يعلوه قطعة رخام تم سرقتها مؤخرا كان مكتوب عليها بسم الله الرحمن الرحيم أنشأ هذا الجامع ووقفه العبد الفقير إلى الله جمال الدين عبد الله نجل العارف بالله الشيخ شاهين افتتح عام 945 هجرية. كان بالمسجد أربعة أعمدة من الحجر, وقبلته مشغولة بقطع من الرخام الملون والصدف، وداخل القبة أيضا مكتوب تاريخ تجديدها عام 1007 هجرية.     وتتمثل ملحقات المسجد في مساكن وخلوات للصوفية، ومقابر منحوتة. وصهريج للماء وبيت خلاء بالإضافة إلي مجموعة من المغارات المنحوتة في الصخر،علي مستوي واحد أو علي مستويات مختلفة من الجبل، وكان يتصل بعضها ببعض بانفاق ويتم الوصول إليها بدرجات منحوته في الجبل وقد انمحت هذه الدرجات تماما الآن علي عكس المغارات الصغيرة والخلوات مازالت علي حالتها وكان المسجد يزدحم بزواره الذين كثيرا ما اختلوا بأنفسهم في هذه المغارات والخلوات للانقطاع للعبادة.     و هو مثال حي صامد على كم الاهمال التي تعانيه الآثار الإسلامية في مصر حيث تحول هذا الأثر إلي أطلال و أصبح هدفا سهلا للصوص الذين انتزعوا منه أجزاء يصعب تعويضها. و تعد المئذنة آخر جزء في المسجد يحفظ له هيبته وتبدو فيها التصدعات والشروخ حتى بات أهالي منطقة "الأباجية" الساكنين تحت سفح جبل المقطم يخشون سقوط مسجد "الأغاشاهين" علي بيوتهم ، ونشهد سيناريوجديدا لحادث الدويقة. ولعل كثيرين في القاهرة بل في المقطم لا يعرفون هذا المسجد الذي سجل كأثر منذ الخمسينيات، ثم اختفي من خريطة السياحة، والعبادة ايضا،، وبدلا من أن يوضع مثل هذا المسجد الأثري علي قائمة الأماكن ذات القيمة التاريخية، نخشي ان يكون لعنة ، ويرتبط بقتل أبرياء... .