بالصور: المتحف الجيولوجي المصري.. مكان مميز في القاهرة

في جولاتنا دايمًا في شوارع وأحياء القاهرة، بنكتشف حاجات وأماكن جميلة جدًا. للأسف مابيكونش متسلط عليها الضوء. ومش واخدة حقها كويس إن الناس تعرفها وتستمتع بها. ومن ضمن الأماكن دي، المتحف الجيولوجي المصري في المعادي.

17159335_1291115020980950_3930726570372106243_o

 

طبعًا انت ممكن تكون بتقرأ الكلام ده وانت مستغرب، وأول مرة تعرف إن عندنا متحف زي ده أصلًا. ماتستغربش، انت مش لوحدك، انتوا كتير. وعلشان كده قولنا نجيب لكم كام معلومة عن المتحف.

مبدأيًا كده، المتحف موجود على كورنيش المعادي، عند نهاية حدود المعادي الشمالية، قريب من مدخل مصر القديمة. تم إنشاء المتحف عام 1901، وتم افتتاحه رسميًا للجمهور عام 1904. وهو يعتبر المتحف الأول من نوعه في الشرق الأوسط والعالم العربي.

17098106_1291114897647629_4883889003473826226_o

نيجي بقى لتصميم المتحف. نلاقيه عبارة عن 3 صالات عرض:

الأولى: فيها الحفريات اللافقارية ومنها القواقع. واللي بتوضح بداية الحياة على الأرض. والثانية: فيها الحفريات الفقارية. أما الصالة الثالثة: فيها مجموعات صخرية، ومعادن من القشرة الأرضية، زى أحجار المرمر والجرانيت. وكمان في صخور من القمر.

17097269_1291114034314382_288345826131890828_o

 

ومن أهم معروضات المتحف، الهيكل العظمي لديناصور الواحات البحرية العملاق. وده يعد ثاني أضخم ديناصور تم اكتشافه في العالم.

على فكرة، تذكرة دخول المتحف: 2 جنيه بس. أيوة زي ما قريتها كده، 2 جنيه بس.

ماتنسوش بقى تزوروه، وتاخدوا جولة مثيرة ماتتكررش.

مشاركتك بالتعليق تعنى أنك قرأت بروتوكول نشر التعليقات على دليل المقطم، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من دليل المقطم